梓遊記

大家好，又到我分享酒店比大家既時候啦

近期小編我比較多去九州自駕，所以先黎介紹下溫泉旅館比大家

點解我分上下集呢

原因係，我已經係呢間酒店留左兩次腳毛

兩次入住係住唔同既房型，為免大家覺得一個分享太長

所以決定斬開兩個啦

一如以往，先比大家睇下個外貌

小編我當日係自駕去既，佢呢到好在就係好多車位

唔洗怕無位泊車

提番大家先，如果大家係上網自己BOOK呢間酒店既話

記得入住之前要SEND個EMAIL比佢地

話比職員知你搭車定揸車去，要唔要去車站接你

你地一行有男女各有幾多人，有無小朋友同行

同埋要話佢知你地有無食物敏感呀

如果大家有興趣食牛(下集會介紹)既話，不妨係EMAIL問埋有無其他MENU

佢地有個隱藏MENU架，就係一人加1000YEN就可以升級食牛既鐵板燒架啦

佢地回覆你既時候都會提番你要係下午6點前CHECK IN

以免你錯失左佢地個晚餐

好啦，我地番黎主線先

見到個大門入到去就見到好靚既LOBBY

入到去，就會有職員招呼你等CHECK IN

(超好服務態度架佢地)

係CHECK IN既時候，每位女性都有會小禮物收架

女性朋友既你地可以係籃入面揀3款用品

可以揀既野包括有一次性牙膏，面膜，眼MASK，肥皂，腳指放鬆器，休足時間等等

除左上面既用品之外

你地仲可以係下圖個架到揀多個袋仔做禮物

係咪未入房都已經驚喜重重呢XD

而我就揀左以下既用品

搞左一輪，終於拎到鎖匙，準備上房

有包私人溫泉既多數會住係一樓，而一般房間就會係2樓

大家睇到呢就知我今次係有私人溫泉啦

工作人員會一直帶住大家入房簡介完先會離開架

唔洗驚佢要收你貼士，佢係唔會收架XD

入房啦喂=)

一入玄關位，比較窄，係一條長走廊黎呢

左邊既門係和式榻榻米，岩岩CHECK IN既時候係下圖既樣

而當你地夜晚食完飯番黎，職員就會幫個客廳變身成你既睡房

即係好似下圖咁

而個房再行入D，左邊就係一個偏廳

佢既右邊就係我地既私人溫泉啦

入去私人風呂既門雖然係玻璃，但門外有一個窗簾，可以完全遮住架

咁就唔怕啦

回頭望番出玄關

見到個門有D好得意既野

ZOOM近D望下

原來每房都有呢D夾

大家係旅館入面會著佢地一色一樣既拖鞋去食飯呀，浸溫泉呀咁

呢D夾就係比大家夾住對鞋，等人地唔會著錯你對鞋架

超貼心架

呀，原來我漏左大家好重視既廁所位

佢係一入門口既右邊

我同朋友都唔明點解有兩個洗手盤，真係好浮誇= =

廁所唔記得左影，但都係正常既，有電廁板的

房間入面仲有其他既用品想比大家望下既

包括大家可以著住去溫泉既浴衣啦

上層係衫，而下層就係有D袋比你裝住野去溫泉用

再黎係茶既用品

一般溫泉旅館都附有佢地出品既小食比入住既旅客試下既

而黑色個兜就係有一堆茶具同茶包比大家享用

唔好以為日式旅館好傳統

佢地都有提供西式既野比大家架

最驚喜既就係係榻榻米個到就有寶箱

寶箱入面就係咖啡用品

真係估佢唔到，仲有粒食得既糖比大家呀

好啦，講左個房咁耐，係時候同大家介紹下佢地既餐點啦

佢既餐廳位於地下上一樓個電梯附近

基本上一出電梯就一定經過個餐廳

個門口就係上圖咁既

入到去就會有職員問你個名同房號

2-4人既話一般會坐和式既房，而5人或以上就坐長檯既

係上菜之前比大家望下個MENU先

佢地會用時令既食物去砌個MENU，所以小編我兩次都有唔同既野食

上菜啦!!!!

一入到去基本上係已經放好左一堆前菜同刺身

仲有一小杯果酒比大家開下胃

等我ZOOM近D食物先

先係頭盤

再黎係刺身

仲有個煮物

其他既食物職只會陸續上比你

黎啦，先係一個湯既物體

再黎係一個豬既鍋物

仲有一D炸物

仲有飯同麵豉湯

真係好睇又好食

最後仲有生果一碟

以上就係晚餐既MENU啦

依完左個晚餐之後，職員會問大家第2朝想幾點去食早餐既

我無記錯既話好似係有7:30同8:00揀

我就當然揀8點啦

以下就係我地既早餐啦

都有幾多係漬物

左上既係豆漿煮豆腐，中間最頂既有燒魚，明太子，同一舊蛋

餐紙既左上係紫菜，右上就係沙律

有蓋個個係魚板既物體，

左下同右下分別係白飯同湯(係可以無限量加架)

雖然個朝個天氣唔係咁好

但望住下圖個景食早餐真係好一流

酒店資料:

名稱: 由布院ユウベルホテル(Yufuin Ubl Hotel)

地址: 〒879-5102 大分県由布市湯布院町川上1691-8

電話: 0977-28-2552

房價: 大約HKD$3186 一晚

網址: http://yufuin-ublhotel.jp/

多謝大家睇左咁耐我講廢話

想問多D既話歡迎用以下途徑搵我

Email: choitsz_wing@yahoo.com.hk

Facebook: littlecongi分享地攤

Line: ck6057

Instagram: little_congi / congi_store